ለውጥ ውስጥ ያለን ህዝብ ለመምራት ድርጅቱ ራሱ መለወጥ አለበት – አቶ ለማ መገርሳ

የኦህዴድ ምክትል ሊቀመንበር አቶ ለማ መገርሳ የድርጅቱ 8ኛ መደበኛ ኮንፈረንስ ላይ ካደረጉት ንግግር የተወሰደ ሀሳብ ነዉ፡፡

‹‹ኦህዴድ የኦሮሞን ህዝብ መብት ለማስከበር ብዙ ውጣ ውረድ አሳልፏል፤ እየወደቀና እየተነሳ ዛሬ ላይ ደርሷል፤ የሀዝቡን ጥያቄ ለመመለስም ብዙ መስዕዋትነት ከፍሏል›› ብለዋል፤ አቶ ለማ፡፡

ኦህዴድ ካጋጠሙት ችግሮች ለመውጣት ጠንካራ ተሀድሶ እየተደረገ መሆኑን እና ከህዝቡ ጋር በተሰሩ ጠንካራ ስራዎችም ሰላምን ማስፈን መቻሉንም ነዉ የተናገሩት፡፡

የድርጅቱ ምክትል ሊቀመንበር አቶ ለማ “የችግራችን ትልቁ ምንጭ የሆነውን የመልካም አስተዳደር ችግር ለመፍታት የፖለቲካም ሆነ ሌሎች እርምጃዎችን ወስደናል፤ ተሀድሶም ጅምር እንጂ የተጠናቀቀ አይደለም፤ እናም ከዚህ በላይ ችግሮችን በመፈተሽ ማስተካከያ ማድረግ ይጠበቅብናል” ነዉ ያሉት፡፡

8ኛው መደበኛ ኮንፈረንስ የችግሮች መፍቻ ትልቅ አቅጣጫ የሚቀመጥበት መሆኑንም ገልጸዋል አቶ ለማ፡፡

ለውጥ ውስጥ ያለን ህዝብ ለመምራት ድርጅቱ ራሱ መለወጥ እንዳለበትም አሳስበዋል፡፡

ዘጋቢ፡- ጋሻው ፈንታሁን ከአዳማ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram