ህመም ሲያጋጥሞት አንድ ዶክተር ጋር ብቻ የሚታዩ ከሆነ የመሞት ዕድሎን ይቀንሳሉ – ጥናት

በተደጋጋሚ ህመም ሲያጋጥም አንድ ዶክተር ጋር መታየቱ የመሞት ዕድል እንደሚቀንስ ተመራማሪዎች አስታወቁ፡፡

በእንግሊዝ፣ በፈረንሳይ፣ በአሜሪካና በሌሎች አምስት ሀገሮች ላይ በተደረገ በዚህ ግኝት 22 የሚደርሱ ጥናቶች መፈተሻቸው ተገልጿል፡፡

በዚህም 18 የሚደርሱት ምርምሮች በአማካይ በየሁለት ዓመቱ አንድ ዶክተር የሚጎበኙ ታካሚዎች ከሌሎቹ አንጻር ሲታይ የመሞት ዕድላቸው መቀነሱን አሳይቷል፡፡

ተመራማሪዎቹ በተለይም መድሐኒት በሌላቸው በሽታዎች የተያዙ እንዲሁም በረጅም ጊዜ የአዕምሮ ህመም ለሚሰቃዩ በተመሳሳይ ሐኪም መታየታቸው ጠቃሚ ነው ብለዋል፡፡

በ”ኤክስተር ሜዲካል ስኩል” ዩኒቨርስቲ የሚያስተምሩት ፊሊፕ ኢቫንስ ታካሚውና ሐኪሙ በተደጋጋሚ የሚገናኙ ከሆነ ሁለቱም የመተዋወቅ ዕድላቸውን እንደሚያሰፉ ገልጸው፥ በዚህም ሁለቱም እርስበርስ ይግባባሉ እንዲሁም ታካሚውም እርካታ እንደሚሰማው ጠቅሰዋል፡፡

ሌላኛው የጥናቱ ተሳታፊ ጤና የህይወትና የሞት ጉዳይ እንደመሆኑ በታካሚውና በሐኪሙ መካከል ያለው ንግግር በመግባባት ላይ የተመሰረተ መሆን እንደሚገባው ጠቅሰው፥ ታካሚው የሚለውን እረዳለው ወይንም የምለውን ይረዳኛል ወደሚለው ሐኪም ጎራ ማለት እንደሚኖርበትም አፅንዖት በመስጠት ተናግረዋል፡፡

 

 

 

ምንጭ፦ቢቢሲ

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram