ሀረማያ ዪኒቨርሲቲ ለአቶ ገዱ አንዳርጋቸው እና ለጋዜጠኛ መሃመድ አህመድ የክብር ዶክትሬት ሰጠ

ሀረማያ ዪኒቨርሲቲ ለአማራ ክልል ርዕሰ መስተዳድር ገዱ አንዳርጋቸው እና ለጋዜጠኛ መሃመድ አህመድ (መሃመድ ቆጴ) የክብር ዶክትሬት ሰጠ፡፡

ዩንቨርስቲው በተለያዩ መርሐ ግብሮች ከመጀመሪያ እስከ ሶስተኛ ዲግሪ ያሰለጠናቸውን ከ 8152 በላይ ተማሪዎች አስመርቋል፡፡

መሃመድ አህመድ (መሃመድ ቆጴ) የመጀመሪያው የኦሮምኛ ቋንቋ ጋዜጠኛ ሆነው በሃረር ይሰሩ ነበር፡፡

ሀረማያ ዩኒቨርሲቲ በታራኩ እስካሁን ለሁለት ሰዎች ብቻ ነው የክብር ዶክትሬት የሰጠዉ፡፡

ሽልማቶቹም በማሽላ ላይ ተመራማሪ እና የምግብ እና የእርሻ ድርጅት/FAO/ አማካሪው ለፕሮፌሰር ጋቢሳ እጄታ እና ለጅቡቲው ፕሬዝዳንት እስማኤል ኦማር ጌሌ የተሰጡ ናቸው፡፡

በምረቃ ስነ ስርአቱ የኦሮሚያ ክልል ምክትል ፕሬዘዳንት ወይዘሮ ጠይባ ሀሰን ተመራቂዎቹ በራስ ላብ የማደግ ባህልን ተላብሰው ያስተማራቸውን ማህበረሰብ እንዲያገለግሉ ጥሪ አቅርበዋል፡፡

Share your thoughts on this post

Advertisements
%d bloggers like this:
Visit Us On TwitterVisit Us On YoutubeVisit Us On Instagram